Altjóða skóta patrúljur á Brekkuleguni 2025 er ein serlig patrúlja, har luttakarar úr ymiskum londum vera koyrd saman í patrúljur. Í hesum patrúljunum fært tú møguleikan at uppliva ein heilt serligan felagsskap við skótum frá ymiskum londum. Saman skulu tit luttaka á leguni sum ein patrúlja og arbeiða saman. Hetta fer at styrkja samanhald og vinalag tvørtur um landamørk.

 

Altjóða skóta patrúljur geva luttakarum eina einstaka uppliving, har teir arbeiða saman um at loysa avbjóðingar, taka lut í virksemum og læra av hvørjum øðrum. Hetta er ein gyltur møguleiki at knýta altjóða vinarbond og læra um ymiskar skótamentanir, alt meðan tú ert partur av einum fjølbroyttum skótasamstarvi.

 

Leiðarar til hesar patrúljur vera valdar av Brekkulegu nevndini. Tey koma eisini at møtast onkutíð online áðrenn legan byrjar.

 

Við denti á felagsskap, samanhald og virðing fer altjóða skóta patrúljan at geva eina ógloymandi og mennandi uppliving, har allir limir saman skapa eina serstaka legu við minnum, sum teir taka við sær heim.