Leiðarar á Brekkuleguni 2025 eru vaksin skótar, sum eru 20 ár ella eldri, og teir hava ein týðandi leiklut í at stuðla og vegleiða patrúljunum í gjøgnum leguna. Leiðarar tryggja sær, at luttakarnir hava eina trygga og mennandi uppliving, og at teir taka lut í virksemunum á ein góðan og jaligan hátt.

 

Leiðarar eru ábyrgdarpersónar fyri sína patrúlu, og hjálpa til við matgerð, halda skil á leguøkjum og eru til reiðar at vegleiða, tá avbjóðingar stinga seg upp. Teir verða eisini ein týdningarmikil partur av felagsskapinum, og saman við hinum leiðarunum skapa teir eitt gott samstarv og samanhald.

 

Tað skal minst vera ein leiðari fyri hvørja patrúlju. Ein leiðari veðrur valdur sum hvøuðsleiðari fyri patrúljuna, hetta er persónurin vit seta okkum í samband við, um tað skuldi verið okkurt í meðan legan er. Eisini er hetta persónurin, sum vit ynskja vendir sær til okkum um spurningar og annað er í meðan legan verður.

 

Á Brekkuleguni fáa leiðarar høvi at uppliva fjølbroytt virksemir, men hava samstundis ábyrgd av at hava eftirlit og stuðla luttakarunum. Leiðarar hava tí eina avgerandi uppgávu í at gera leguna trygga og stuttliga fyri allar skótar.

 

​

Kostnaðurin fyri leiðarar er hesin:

Tilmeldingargjald: 200,00 DKK

Legugjald: 800,00 DKK